Eragile inplikatuak

• DEBEGESA
• Eusko Jaurlaritza
• Tecnalia
   

Testuingurua

Hiriaren garapen industrial betean, 1949. urtean, eraikitako auzo baten birgaikuntza integralerako proiektua da. Auzo-batzordeak sustatzen du, eta DEBEGESA eskualdeko garapen ekonomikorako elkarteak eta Eibarko Udalak bultzatzen dute, Eusko Jaurlaritzarekin lankidetzan. 

Helburuak

Proiektuaren helburua da auzo horretako etxebizitza-eraikinen irisgarritasuna eta energia-eraginkortasuna hobetzea. “ZenN: Nearly Zero Energy Neighborhoods” Europako proiektuan parte hartzeari esker, Europako proiektu pilotu batean sartu da.

Deskribapena

ZenN proiektuak erakutsi asmo du zer abantaila dakartzan –gizartearen, ingurumenaren zein ekonomiaren aldetik– etxebizitza-parkearen energia-birgaitzeari auzo-mailan heltzea, jardunbide egokiak garatuz, ezarriz eta hedatuz, Europako lau hiritan kokaturiko sei hiri-probalekutan gauzatuta: Eibarren (Juan Antonio Mogel Auzoa birgaitzea eta berroneratzea), Grenoblen, Malmön eta Oslon. Auzoak berroneratzeko, etxebizitza eta eraikinen energia-eraginkortasuna handitzen da, irisgarritasun-baldintzak hobetzen dira, gizarte-kohesioa sendotzen da, eta enplegua sortzea sustatzen da.

Prozesu hori aurrera eramateko, administrazio publikoak, inbertsio pribatua eta, parte-hartze prozesu batzuen bidez, auzokideak integratzen dira.

Proiektua 2013an jarri zen abian, eta 2017an bukatuko da.

https://youtu.be/jTUqkAn1vmo